Wo shehr jise main ghar kehta tha
Jahaan mera bachpan rehta tha
Wo shehr zara badla lagta hai
Bas yaadon mein apna lagta hai
Jisne pairon ko pankh diye
Ta umra jahan sapnon ko jiye
Ma baba ki chhaon mein
Jahaan kitne lamhe fateh kiye
Wo shehr zara badla lagta hai
Bas yaadon mein apna lagta hai
Jahaan cycle pe udna seekha tha
Aur luna pe sadken naapi thi
Bhaiya se maangi motorcycle
Jahaan raja banne ko kaafi thi
Wo shehr zara badla lagta hai
Bas yaadon mein apna lagta hai
Kayi dost mile, kuchh dushman bhi
Anginat martaba ishq huye
Kaanch ke kuchh sapne tute
Jahaan tute dil kitni baar jude
Wo shehr zara badla lagta hai
Bas yaadon mein apna lagta hai
